Væringjaskálinn

Skátaskálinn var reistur í Lækjarbotnum árið 1920 af skátafélaginu Væringjum og var fyrsti skáli sem reistur var á Íslandi til útivistar. Gekk hann framan af undir nafninu Væringjaskálinn en síðar Lækjarbotnaskálinn. Skálinn er úr timbri, með langveggjum hlöðnum úr torfi og grjóti. Væringjaskálinn var fluttur í Árbæjarsafn 1962. Árið 1991 var hann gerður upp að nýju í samráði við skátahreyfinguna. Félagsskapurinn Væringjar var stofnaður árið 1913 af sr. Friðrik Friðrikssyni í nánu sambandi við KFUM.