Bílaverkstæði

Verkstæðið er samstarfsverkefni Árbæjarsafns, Bíliðnaðarfélagsins og Félags blikksmiða og er eftirlíking af verkstæði sem stofnað var við Klapparstíg í Reykjavík árið 1918. Sýningunni í húsinu er skipt í þrjá hluta: bílaviðgerðir, bílasmíði og bílamálun.  Munir á verkstæðinu eru nær allir frá Reykjavík og nágrenni og eru þeir elstu frá árinu 1913, þ.e. upphafi eiginlegrar bílaaldar á Íslandi, en þeir yngstu frá því um og eftir 1950.  Sýningin var sett upp árið 2000.